31 July 2014
21:20 - Ўзбек гази Ҳиндистонда ҳам ёниши мумкин
Умумий узунлиги 1735 километрни ташкил қиладиган Туркманистон-Афғонистон-Покистон-Ҳиндистон (ТАПИ) газ қувури иншоотига Ўзбекистон ҳам янги ҳамкор сифатида қўшилиши мумкин. “Ўзбекнефтгаз” миллий холдинг компаниясига кўра, Марказий Осиёни Ҳиндистон билан боғловчи газ қувури лойиҳасига қўшилиш масаласи ўрганилмоқда, аммо ҳозиргача бу борада тугал тўхтамгна келинмаган.

Таъкидлаш керак, шу йилнинг февраль ойида Туркманистон президенти Бердимуҳамедовнинг қарори билан лойиҳалаштириш ишлари бошланган ва қувур ётқизиш 2015 йилда бошланади. Мазкур қувур йилига 33 миллиард куб метр газ ўтказиш қувватига эга бўлиши кўзда тутилган.

Ўзбекистонда йилига 60 миллиард куб метрдан ошиқ газ қазиб олиниб, унинг чорак қисмини Россияга ва яна каттагина қисми Хитойга экспорт қилинади.

Туркманистон газ заҳиралари бўйича жаҳонда 4-чи ўринда, Ўзбекистоннинг газ заҳиралари қўшнимиздан 5-6 баравар камлигини ҳисобга олсак, бу қувурдан асосан туркманларнинг гази оқишини тушуниш мумкин.
« Олдинги хабар Хабарлар рўйхати Кейинги хабар »