16 July 2014
16:27 - Сенсация: ХАМАС отган ракеталардан биттаси мўлжалланган нишонни урибди
Аввалги хабарларимиздан маълумки, Ғазода ҳукмронлик қилаётган ХАМАС алмисоқдан қолган юзлаб ракеталарини пала-партиш Исроилга отиб, биронта нишонни уролмаган эди. Чунки, ракеталарнинг кўпчлиги Исроилнинг замонавий техникалари билан осмондаёқ уриб портлатиб юборилган. Аммо, кеча у ракеталардан бири нишонга етиб борибди ва натижада бир исроиллик ўлдирилибди. Айни замонда, Исроилнинг ракеталари бугунгача 200 дан ортиқ филистинликни ўлдирди.

Исроил бу сафар ХАМАСни таг-таги билан йўқ қилиш ниятида кўринади. Haaretz агентлигига асосланиб тарқатилаётган хабарларга кўра, Исроил Ғазонинг шарқий ва жанубий қисмларида яшаётган 100 минг кишини уйларидан чиқиб кетишга чақирибди. Чунки, бу ҳудудларга авиация ҳужумлари кўпайтирилади.

БМТнинг Яқиншарқ бўлими хизматчилари 21 мактабни эвакуация қилишаётгани ҳам хабарларда айтилмоқда.

ХАМАС ҳам ҳужумларини тўхтатаётгани йўқ. Тель-Авивда вақти-вақти билан ҳаво тревогаси сигналлари жарангламоқда. Аммо, ХАМАСнинг биронта ракетаси бу ергача етиб келолмади.

Расм Reuters агентлигининг сайтидан олинган.
« Олдинги хабар Хабарлар рўйхати Кейинги хабар »