Тошкент вақти - 
14 July 2014
17:16 -
"Қирим босиб олинди, навбат Марказий Осиёгами?!"
Вой, тентаклар-ей?!
Марказий Осиё қачон мустақил бўлибдику, босиб олинса?!
Марказий Осиё хончалари Путин иштонидан баландга бош тиклаб кўрсинчи!
Раҳматлик Туркманбоши ҳар йили Россияга кетадиган газ йўлини боғлаб қўярди, газ нархини ошириш учун. Йўқотилди.
Ислом Каримов шунга журъат эта оладими?!
Ҳеч қачон! ! !
Жаслиқ зиндони яқинидан Амударё ўзанидан катта бўлган газ қувури Россияга оқади. Жаслиқ тўраларига: "Сизлар ватанпарвар бўлсанглар, Ислом Карим ватанпарвар бўлса Россияга текин оқаётган, Росия Европага миллионларга сотаётган анави газ қувурини боғлаб кўрингчи?! Мен "Ватан хоини" бўлсам ҳам Каримов ўрнида бўлсам бу қувурни дарҳол боғлаган бўлардим. Сизлар бутун бойлигимизни Россияга текинга бериб, маҳкумларнинг ризқини ўғирлаб ейсизлар, " дердим. Погонлилар оғир ўйга ботардилар.
Вой тентаклар-ей, наинки маҳаллий тентаклар, Жаҳон тентаклари!
Бизнинг йўқотадиган нарсамиз йўқ, барини йўқотиб бўлганмиз! Путин ахмоқ эмас, остидагилар сўраб турган юртларга қўшин тортмайди.
Маҳаллий тентаклар!
Биз ундоқ қилдик, бундоқ қилдик, у туздик, бу туздик, мустақиллик декларасиясини ёздик дейишдан уялинг. Михаил Горбачёв президент бўлса яна ҳамма кўчага чиқади.
Биз ҳеч нима қилмадик!
Биздай шарманда бўлган юрт, биздай шарманда бўлган эл қайда бор?!
Афсуски, Туркистонда эрлар - Буюк Амир Темур зурёдлари Амур йўлбарсларидек қизил китобга кириш даражасига тушиб қолди. Лекин шу эрлар бирлашиб наинки Туркистон, Марказий Осиё, балки туркийлар ери бўлган Қирим тақдирини ҳам ҳал этадиган бўлмоқлари лозим.
Қачонгача Ватанни Ватан душмани Ислом Каримов сўраб туради.
Вой Тентак-ей!
Ўзини қиёматгача Президент деса ҳам майли эдия, тоабад Президентман деб ўйлаяпди. Биз юртга ҳеч қачон қайтмас эканмиз!
Ё тавба!
Шу ўринда айтиб ўтай, Гугуша Европадан олган поралар аслида Ислом Каримов олган поралардир. Чунки Каримов-мустабид рухсат бермаса улкан телефон компанияси Ўзбекистонда иш бошлай олмайди. Гугуша ўзича бир иш қила олмайди. Мен билганни дунё билмайдими, билади. Афсуски, дунёнинг ҳам Каримовдан тили қисиқ. Путиннинг остидагига тиши ўтмаган дунёнинг Путинга тиши ўтармикан?!
Ақли заиф кимсаларнинг
Ақли заиф ҳукмдори.
Оч кўзингга емиш бўлди
Элнинг бори, юртнинг бори.
Нафсингнинг комига урдинг,
Қизингнинг домига урдинг!
Қувғин бўлсак не бўлибди,
Қувғин бўлган Темурбек ҳам.
Қизингнинг домидан олиб
Ватанга қўярмиз қадам.
Нафсингнинг комига урдинг,
Қизингнинг домига урдинг!
Кураш тинган эмас! Олға!
Туркистонга кетаяпмиз!
Амир Темур йўлбарслари
Қувғинлардан ўтаяпмиз.
Нафсингнинг комига урдинг,
Қизингнинг хомига урдинг!
Онанг сени Ислом эмас
Афсус, ноислом тўғибди.
Хаёлингда хоми кўпдир,
Пишиқ эмас хом тўғибди.
Нафсингнинг комига урдинг,
Онангнинг хомига урдинг!
Юсуф Жума
2014 йил 12 июл
