Аслида Россия президенти Владимир Путин Лотин Америка мамлакатлари бўйлаб сафарга чиққан ва футбол бўйича кейинги жаҳон чемпионатининг мезбони бўладиган Москва номидан эстафетани Рио-де-Жанейродан олиш учун бу шаҳарга келган бўлса ҳам, бошқача ўхшатувлар ҳам мантиқлидек кўринади.

Маълумки, Ильф и Петровнинг машҳур “12 стул” ва “Олтин бузоқча” асарларининг қаҳрамони Остап Бендер (адаштирманг, расмда ўнгда) ўзича дунёнинг энг бой ва омад шаҳри деб ҳисоблайдиган Рио-де-Жанейрога етиб олиш орзусида минг турли найрангбозликлар билан пул тўплашга эришса ҳам, охир-оқибатда ҳалок бўлади. Шундай экан, Украинанинг шарқида феълан Путин раҳбарлигида рус террористлари Украина билан уруш олиб боришаётган пайтда Путиннинг Рио-де-Жанейрода бўлиши рамзий маънога эга эмасми? Путин жисмони й нуқтаи назардан Остап Бендер орзу қилган шаҳарга етиб олган бўлса ҳам, сиёсий маънода ўлим остонасига келиб қолди. Чунки, русларнинг Украина шарқидаги мағлубияти Путиннинг сиёсий ўлими бўлади.

Украинадан келаётган хабарларга кўра, бу мамлакатнинг расмий армияси аҳолисининг сони бўйича русларнинг Украинадаги энг катта қалъаси бўлган Луганск шаҳрини қуршовга олди. Бу шаҳар аҳолисининг том 50 фоизи руслар, 47 фоизи украинлардир. Украина тарафидан сепаратист-террористлар деб аталаётган рус жангарилари қўшни Россияга қочиб кетишаётгани ҳам хабарларда айтилмоқда.

Бугун ёки бу кунларда Луганск учун ҳал қилувчи жангларнинг шоҳиди бўлсак ажаб эмас, дейди мухбиримиз.