06 June 2014
07:48 - Нормандия баҳона - Украина ғанимат (Тузатилган вариант)
Бугун Франциянинг шимолий-ғарбидаги Нормандияда АҚШ, Канада ва Британия қўшинларини Иккинчи Жаҳон Урушида иштирок этиш учун бу ерга кемалардан индирилишининг 70 йиллигига бағишланган тантанали маросимлар бўлади. Уларда иштирок этиш учун Европа давлатлари, АҚШ ва Канада лидерларининг кўпчилиги кечаёқ Парижга келиб олганлар ва тўхтовсиз икки-тарафлама учрашувлар ўтказдилар.

Учрашувлардан муҳокама қилинаётган асосий мавзу – Украинадаги аҳвол, Украина-Россия мунсабатлари. Яъни, ўзбекча қилиб айтсак, “Нормандия баҳона - Украина ғанимат” бўлмоқда.


Россия Президенти Владимир Путин ҳалигача Петр Порошенконинг Украина президентлигига сайланганини тан олмади, аммо Петр Порошенко бор жойга келишдан қочолмади. Қочолмайди ҳам. Чунки, Ғарб Россиядан Украинадаги президент сайловлари натижаларини тан олишни ва унинг раҳбари билан мулоқот қилишни талаб этмоқда. Акс ҳолда, Россияга қарши киритилган санкциялар яна кўпайтирилади.

Шу сабабли, ҳамманинг кўзи Владимир Путин ва Петр Порошенконинг бошқалар билан учрашувларида. Дарҳол айтиш керакки, Путиннинг АҚШ Президенти билан учрашуви режалаштирилмаган. Табиий, учрашмасликни режалаштирган тараф АҚШдир. Бундай учрашувнинг бўлмаслиги – Путин учун жиддий сигнал эканлиги ҳам тушунарли. Айни замонда, Барак Обама Петр Порошенко билан 2 кун аввал Варшавада кўришиб бўлди.

Кеча Путин аввал Буюбритания Бош вазири Дэвид Кэмерон, кейин Франция Президенти Франсуа Олланд билан учрашди. Учрашувлардан кейин ҳеч қандай баёнотлар берилмган бўлса ҳам, ҳеч кимнинг шубҳаси йўқки, улар асосан Украинадаги вазиятни муҳокама қилишган. Франсуа Олланд ва Дэвид Кэмерон Ғарбнинг талабларини Путинг етказишган.

Германия канцлери Ангела Маркел эса, Петр Порошенко билан кўришди ва Германия Украинанинг янги президентини тўла қўллаб-қувватлашини билдирди.

Бугун ҳамма лидерлар Нормандияга боради, байрам каби тантанали маросимларда иштирок этади. Аммо, ҳамманинг калласида Украина масаласи бўлади. Айниқса, бечора Путиннинг калласида. Буни тушунса бўлади, чунки, бугун Украинада нима бўлиши жаҳоннинг яқин ва узоқ келажак йўли қандай бўлишини, Россиянинг эса эртага аҳволи қандай бўлишини кўрсатиб беради.

Расмда - Франсуа Олланд ва Владимир Путин.
« Олдинги хабар Хабарлар рўйхати Кейинги хабар »