Тошкент вақти - 
06 June 2014
13:30 -
АҚШнинг “General Motors” компаниясида ишлар чатоқ, Ўзбекистонга таъсири бўладими?
Бу мамлакатда чиқадиган энг обрўли The New York Times газетасидаги хабарга кўра, “General Motors” компанияси 15 нафар том-менежерини ишдан бўшатган. Уларнинг ичида норма-конторль масалалари бўйича вице-президент Майкл Робинсон ва маҳсулот сифати учун маъсул бўлган Уильям Кемп бор.Сабаб – АҚШнинг бу энг катта автоконцерни ишлаб чиққан автомобилларниннг моторни ишга тушириш системасидаги дефектлар туфайли юзага келган автоҳалокатларда 2 мингдан кўпроқ одам ҳалок бўлган ёки қаттиқ жароҳатланган.
Маълумки, Ўзбекистонда иш олиб боаётган “General Motors Uzbekistan” компанияси айнан “General Motors” тарафидан ишлаб чиқарилган автомобилларни йиғиш билан шуғулланади. Демак, юқорида айтилган дефектлар бизда чиқарилаётган автомобилларда ҳам бор.
“General Motors”нинг ўзи Ўзбекистонда чиқарилаётган автомобилларнинг хавфсизлиги билан боғлиқ бўлган камчиликларни йўқ қилиш учун иш бошлаши муқаррар, аммо. Ўзбекистон тарафи бу ишни назорат остига олиши керак. Хабарларимздан маълумки, Қозоғистон биздан сотиб олинаётган автомобилларнинг сифат кўрсатгичлари Божхона Иттифоқи талабларига тўғри келмагани учун уларни сотиб олишни вақтинча тўхтатиб ҳам қўйганди. Кейинчалик, 1 июнгача тақиқ ишламаслиги эълон қилинди. Демак, тақиқ яна иш бошлади.
“General Motors” атрофидаги бу воқеалардан кейин нафақат Қозоғистон, бошқа давлатлар ҳам Ўзбекистонда йиғилаётган автомобилларга шубҳа билан қарашга бошлаши муқаррар.
Расмда - АҚШнинг General Motors компанияси тарафидан яратилган ўрта ўлчовли, етти ўринли минивен Chevrolet Orlando. “Ўзавтосаноат” 2014 йилда Chevrolet Orlando автомобилини бизда йиғиш бошланишини аллақачон эълон қилган.
