28 May 2014
17:42 - Украинада аҳвол ўша-ўша: Порошенко президент бўлди ҳисоб, уруш каби антитеррор операцияси давом этмоқда
УНИАН агантлигининг сўнгги хабарига кўра, 25 майда бўлиб ўтган президентлик сайловларининг 98,66 фоиз электрон протоколлари ҳисобга олинганда, Петр Поррошенко 54,69%, Юлия Тимошекно 12,82% овоз олгани маълум бўлибди. Ғарб мамлакатларининг лидерлари бирин-кетин Петр Поррошенкони ғалаба билан табрикламоқдалар.

Петр Порошенко президентлик курсисига ўтиргандан кейин тайинланадиган ҳукумат аъзоларини танлаш билан овора бўлса керак, Луганск ва Донецк вилоятларида эса, уруш каби антитеррор операцияси двом эттирилмоқда.

Хабарлар шунчалик чалкашки, нима бўлаётганини дарҳол тушуниш ҳам қийин. Кўринишидан, Украинанинг давлатга боғлиқ кучлари Россия томонидан тайёрланган ва бошқарилаётган сепаратист/террористларни (Ғарб уларни исёнчилар деб атамоқда) секин-аста сиқиштирмоқдалар. Россия очиқча ёрдамга келмаса, яъни армиясини Украина жанубига олиб кирмаса, сепаратист/террорист/исёнчилар тор-мор қилиниши аниқ кўринмоқда.

АҚШ Президенти Барак Обама Нью-Йорк яқинидаги Вест-Пойнт академиясидаги чиқишида “Дунёда фикр шакллантириш бўйича имкониятларимиз Россияни дарҳол изоляция қилишга имкон берди” дебди. Россия эса, ҳали овозини чиқаргани йўқ. Путиннинг ёрдамчилари “Сайловларнинг узил-кесил натижалари эълон қилингандан кейингина, Путин ўз қарорини беради” дейишдан нарига ўтишаётгани йўқ.

НАТОга асосланиб тарқатилаётган хабарларга кўра, Росся Украина билан чегара яқинига олиб келинган қуролли кучларини қисман орқага чекинтирибди.

Донецк аэропорти ҳали ҳам ишламаяпти, чунки унинг катта бир қисми террористларнинг қўлида. Бугун улар Фавқулодда Ҳолатлар Бошқармасининг биносини ҳам босиб олибдилар.

Хуллас, ҳамма нарса Петр Порошенко президентлик курсисига ўтргач, қандай сиёсат олиб боришига ва Россия унга қандай жавоб беришига боғлиқ.
« Олдинги хабар Хабарлар рўйхати Кейинги хабар »