27 May 2014
19:23 - Маҳкумларга қариндошлари билан учрашишга рухсат тегди
Шу йилнинг 23 майидан бошлаб, Ўзбекистон Ички ишлар вазирлиги Жазони ижро этиш Бош бошқармаси тизимидаги колонияларда сақланаётган маҳкумларга қариндошлари билан учрашиш, посилка ва бандероллар олиш, передачалар қабул қилишга рухсат берилди. 20 апрелдан бошлаб тўхтатилган бу жараёнлар колониялар олдида турнақатор навбатларни юзага келтирди.

Намангандаги 64/32-колонияда маҳкум ўғли билан учрашишга навбатда турган тошкентлик Олима Солиевага кўра, 22 май куни навбатга ёзилган бу кишига бугун, 27 май куни навбат теккан. Қисқа учрашувданг сўнг фарзандимнинг саломатлигини кўриб, қайтдим дейди Олима опа.

Эслатиб ўтамиз, шу йилининг 20 апрелидан бери Ўзбекистон Ички ишлар вазирлиги Жазони ижро этиш Бош бошқармаси тизимидаги колонияларда сақланаётган маҳкумларга қариндошлари билан учрашиш, посилка ва бандероллар олиш, передачалар қабул қилиш тўхтатилган эди.
« Олдинги хабар Хабарлар рўйхати Кейинги хабар »