Шу дақиқаларгача округ сайлов комиссиялардан келган электрон протоколларнинг 80,1 фоизи Марказий Сайлов Комиссияси тараифдан ҳисобга олинди, дейилади УНИАН агентлиги тарқатган хабарда. Экзит-пол натижалари бўйича янги президент деб тан олиб бўлинган Петр Порошенко 54% овоз олибди, Юлия Тимошенко - 13,16%.

Хуллас, Украинанинг янги президенти маълум - Петр Порошенко.

Табриклаймиз, Украинани чуқур кризисдан олиб чиқиш ишида мувафаққиятлар тилаймиз.

Дарвоқе, янги президент жорийдаги ҳукумат раисини ўзгартирмаслигни эълон қилди. Маълумки, ҳозир ҳукумат раиси вазифасини Юлия Тимошенко раҳабарлигадаги Баткившчина блокининг лидерларидан бири Арсений Яценюк бажармоқда.

Қизиқ. Арсений Яценюк бу блокдан чиқадими, ёки икки рақиб - Петр Порошенко ва Юлия Тимошенко – бундан буён ҳамкорлик қилишадими?

Апрель ойида олинган расмда чапдан ўнгга – “Удар” партиясининг лидери, Петр Порошенконинг тарафдори, кеча Киев шаҳар ҳокимлигига сайланган Виталий Кличко, Петр Порошенко, АҚШ Давлат Котиби Жон Керри ва жорийдаги Бош вазир Арсений Яценюк.