25 May 2014
15:23 - Ўзбекистонда ўқув йилининг сўнгги қўнғироғи янгради, ярим миллион йигит-қизимизни нима кутади?
Ислом Каримнинг ҳар бир йил ва ҳар бир воқеага ном бериш одатига биноан, бу йилги ўқув йилининг тамом бўлиши “Хайр мактаб, салом коллеж” деб номланган тадбирлар билан нишонланди. Расмий хабарларга кўра, ярим миллион йигит-қиз 9-чи синфни битирди. Бизда қабул қилинган 9+3 маориф cистемаси талабларига кўра, энди ёшлар ўқишни коллеж ва академик лицейларда давом эттиришлари мумкин. Бу йил мактаб битираётганларнинг 90 фоизи колежларда ўқишни давом эттириш ниятида эканлиги расмий хабарларда айтилмоқда.

Демак, ёшларнинг фақат 10 фоизи академик лицейларга кириб, 12 йиллик мажбурий таълим олади. Қолганлар коллежга кетадими?

Хўш, “коллеж” нима ўзи? Ғарб давлатларида “коллеж” атамаси мактабдан кейинги ўқиш шаклини белгилаш учун ҳам ишлатилади. Аммо, бизда ҳамма коллежлар ҳунар ўргатувчи ўқув юртларидир. Яъни, аввалги техникумлар.

Демак, Ўзбекистонда 12 йиллик мажбурий таълим йўқ қилинди. Бунинг устига, норасмий маълумотларга кўра, мамлакатдаги коллеж ва академик лицейлар 9-чи синфни битирувчиларининг ярминигина қабул қилиш имкониятига эга.

Даҳшат, Ал-Хоразмийнинг авлодлари эканлиги билан фахрланадиган ўзбек ёшларининг ярми дунёда қабул қилинган 10-12 йиллик мажбурий таълимдан четда қолади. Ўрта асрларда эмас, 21-чи асрда қилинаётган ишга қаранг!

Хўш, 9-чи синфни битирганларнинг коллеж ва лицейларга кирмаган ярми нима қилади? Ўзбекистонда шундоқ ҳам юқори бўлган ишсизлар қаторига қўшилади ёки чет элга кетиб мардикорчлик қилиш йўлини қидиради.

Ўзбекистонда ҳамма нарса ҳароб. Иқтисод чўкмоқда, миллат мардикорлар подасига айланмоқда.Дунё стандартлари даражасидаги мажбурий таълим системаси йўқ қилинди. Чўчқаларга айланган зиёлиларимизни эса, ҳеч нарса - на бугун, на эртанги кунимиз - қизиқтирмайди.
« Олдинги хабар Хабарлар рўйхати Кейинги хабар »