24 May 2014
17:01 - Украина: Эртага президентлик сайловлари, бугун – гўёки “тинчлик куни”
Сайловдан бир кун олдин кўпчилик мамлакатларда сайловолди тадбирлари ўткзаиш, сайлов агитацияси олиб бориш тақиқланади. Шу сабаблли, сайлов кунидан олдинги кунни “тинчлик куни” деб аташ анъанага айланган.

Аммо, Украинада бугунни “тинчлик куни” деб аташ учун ҳеч қандай асос йўқ. Чунки, Украина жанубида, хусусан, Донецк ва Луганск вилоятларида тинчликдан кўра уруш ҳақида гапириш мантиқлироқ бўларди.

Маълумки, бу икки вилоятда ҳокимиятни қўлга олган рус сепаратист/террористлари 11 май куни ўзларича референдум ўтказиб, Донецк ва Луганск халқ республикларини мустақил деб эълон қилишган ва 25 майда бўладиган президентлик сайловлари бу икки вилоятда ўтказилмаслигини билдиришган эди.

Украина Ички ишлар вазирлиги расмийларининг айтишича, Луганск вилоятида 12 округ сайлов кимиссиясидан 8 таси, Донецкда эса, 22 тадан 9 таси бутулай ишлаётгани йўқ. Демак, энг камида, бу ерларда сайлов ўтказилмайди.

Вилоятларда ҳарбий ҳолат деса бўладиган вазият аллақачон юзага келиб бўлган. Мана бугун бўлган баъзи воқеалар.

Украина-Россия чегарасидаги “Дубровка” пунктига Россия тарафидан келган 7 автомобилдаги қуролли гуруҳ, автомобилларнинг 5 таси юк автомобиллари, Украинага рухсатсиз, зўравонлик билан кириб кетган.

Донецк вилоятининг Артемовск шаҳрида террористлар Округ сайлов комиссияси ҳам жойлашган шаҳар ҳокимиятини босиб олдилар, ҳокимлик эшиги олдига пулемет ўрнатдилар.

“Ощадбанк”нинг Донецк вилояти Макеевка шаҳридаги филиали биносига қуролли террористлар ҳужум қилиб, қўриқчиларнинг қуролларини олиб кетдилар.

Бунқа мисоллар жуда кўп. Бунинг устига, Россия Украина билан чегара олдидан ўз қўшинларини олиб кетганини эълон қилган бўлса ҳам, кўп жойларда қўшинлар чегара олдидан кетган эмас. Буни ер йўлдошларидан олинган расмларга асосланиб, НАТО ҳам тасдиқлади.

Хуллас, эртага Украина янги президент сайланади. Аввалига 20 дан ортиқ номзод рўйхатга олинганди, уларнинг кўпчилиги расман номзодини қайтариб олди. Ҳозир қанча номзод қолгани ҳам муҳим эмас. Ҳамма сўровномаларга кўра, биринчи ўринда мустақил номзод, Украина миллиардерларидан бири Петр Порошенкодир. Сайловчиларнинг 40 фоиздан кўпроғи унга овоз бермоқчи. Зарғалдоқчиларнинг лидерларидан бири Юлия Тимошенкога овоз бермоқчи бўлганлар 8 фоиздан ҳам кам. Сабаби – бу аёл аввалиги сафдоши Президент Виктор Юшченко устидан ғалаба қозониш мақсадида душмани Владимир Путиннинг пинжига кириб кетганлиги туфайли украинларнинг ишончини йўқотганидир.

Ёки биринчи турдаёк, ёки иккинчи турда Петр Порошенко ғалаба қозониши муқаррар. У Украина русларига ёқадиган ишлар қилишга ҳам тайёрлигини гапирмоқда. Аммо, бу мамлакатнинг ички муаммоаларини ҳал этиш ва Россия билан муносабатларни нормаллаштириш осон иш бўлмайди. Ғарб бутунлай Украинани қўллаб-қувватлаётган бўлса ҳам.
« Олдинги хабар Хабарлар рўйхати Кейинги хабар »