23 May 2014
21:50 - Ургут тумани Солиқ инспекцияси раҳбари қамоққа олинди, порахўрлик билан курашишнинг ягона йўли демократик жамият яратиш эканлигини унутмайлик
Самарқанд вилояти Ургут тумани Давлат Солиқ инспекцияси бошлиғи Баҳодир Бойматов порахўрлик айби билан ҳибсга олиниб, Самарқанддаги МХХ ертўласига келтирилган. Собиқ колхоз раисининг эркатойи бўлган Баҳодир маҳаллий тадбиркорлардан биридан пора олаётган пайтда қўлга туширилган.

Бойматовлар оиласининг нафақат Ургутда, балки Самарнқадда ҳам ўзига тўқ хонадонлардан бири эканини эътироф этаётган қўшнилар Баҳодирнинг укаси Жамшиднинг ўтган йили аянчли қотиллик қурбони бўлгани, жиноятчиларнинг эса наркомафиячилар бўлганини айтишмоқда.

Демократиядан узоқда бўлган мамлакатларда порахўрлик ва коррупция жамиянинг касаллигига айланиши ҳозир ҳаммага маълум. Шу сабабли, тоталитар Ўзбекистоннинг Ургут тумани эмас, ҳамма ери порахўр ва коррупционерлар маконига айланган. Порахўрлик ва коррупция билан курашишнинг ягона йўли – демократик жамият яратишдир.
« Олдинги хабар Хабарлар рўйхати Кейинги хабар »