Ўзбекистон Республикаси Миллий Хавфсизлик Хизматининг Андижон вилояти бошқармаси тезкор вакиллари томонидан Андижон шаҳар прокурори, адлия катта маслаҳатчиси Азизбек Маматов порахўрликда айбланиб, ҳибсга олинган. Прокурорга нисбатан Ўзбекистон Республикаси жиноят қонунчилигининг порахўрликка оид моддалари билан тергов ҳаракатлари бормоқда.

Бундан бир муддат аввал Қашқадарё вилояти прокурори Худойқул Турдибоев порахўрлик ва коррупцияга оид жиноятларда айбланиб, 12 йиллик қамоқ жазосига ҳукм қилинганди. Порахўрликка қарши курашиши лозим бўлган прокурорлар қамаляптими, коррупция масаласида аҳволимиз жиддий, дейди мухбиримиз.

Аввалги хабаримизда ҳам таъкидланганидек, демократик жамиятгина порахўрлик ва коррупция масштабларини кескин камайтиради. Аммо, унутмаслик керакки, коррупция ва порўрликка қарши курашиб, демократик жамият яратиб бўлмайди, аксинча, демократик жамият яратибгина порахўрлик ва коррупцияни минималлаштириш мумкин. Бунинг тескарисини ўйлайдиганлар аҳмоқдан бошқа нарса эмас.

Демократиядан узоқда бўлган мамлакатларда порахўрлик ва коррупция жамиянинг касаллигига айланиши ҳозир ҳаммага маълум. Шу сабабли, тоталитар Ўзбекистоннинг фақат Андижон вилояти ёки Ургут тумани эмас, ҳамма ери порахўр ва коррупционерлар маконига айланган. Порахўрлик ва коррупция билан курашишнинг ягона йўли, яна бир марта такрорлаймиз,  демократик жамият яратишдир.