14 May 2014
21:35 - Тошкентда НАТОнинг ваколатхонаси очилади
Оммавий ахборот воситаларига кўра, Шимолий Атлантика ҳарбий альянси (НАТО) 16 май куни Тошкентда ўз ваколатхонасини очади. Очилиш маросимида Альянснинг Бош котиби махсус вакиллари, НАТОга аъзо давлатларнинг Ўзбекистондаги элчилари ва Ўзбекистон ҳукумати вакиллари иштирок этишади.

“Ҳаракат” агентлиги ўтган йилнинг 8 май кунги хабарларида НАТО ваколатхонасининг 2013 йил 3 июнда Тошкентда очилиши ҳақида айнан альянс структураларига тегишли манбаларга иқтибосан хабар тарқтганди. Аммо, очилиш маросими ўшанда амалга ошмади.

Айни замонда, “Ҳаракат” агентлиги берган таҳлилни ҳам эслашдан фойда бор: “Эрталаб қайси оёғи билан туришига қараб фикрини ўзгартираверадиган Ислом Карим НАТО билан ҳамкорликни қачонгача давом эттириши номаълум. Аммо, маълумки, "Бирлик" Партияси ҳамма масалаларда Ғарб билан алоқаларни мустаҳкамлаш тарфдори. Партия раиси Абдураҳим Пўлат эса, вақти келиб Ўзбекистон НАТОнинг Осиёдаги биринчи аъзо бўлиши кераклигини урғулаганди”.

Ҳозирча воқеалар айнан шу йўналишда кетмоқда. Ўтган йили очилиш куни эълон қилиниб, унинг амалга ошмагани - юқоридаги таҳлилда берилган фикрлардан биринчисининг исботидир. Қизиқ, Ислом Карим эртага қайси оёғи билан ўрнидан тураркин? Иккинчи фикр қачон исботланади, яъни Ўзбекистон НАТОга қачон аъзо бўлади? Табиий, “Бирлик” ҳокимиятга келгандан кейин.

Шунга эътибор берингки, 2013 йилнинг мартида НАТО ходими Ўзбекистондан аккредитация олган, унинг офисига июль ойида дипломатик ваколтахона мақоми берилганди. Ҳозир эса гап Марказий Осиё бўйича ваколатхона борасида кетмоқда.
« Олдинги хабар Хабарлар рўйхати Кейинги хабар »