14 May 2014
20:17 - Ўзбекитон Хитойга узатаётган газ миқдорини 10 миллард куб метрга етказмоқчи
Кейинги йилдан бошлаб, Ўзбекистон ҳукумати Хитойга сотаётган газ миқдорини 10 миллиард куб метрга етказмоқчи. Бу ҳақда хабар қилган ўрисларнинг РИА-Новости ахборот агентлиги Марказий Осиё - Хитой газ қувурининг янги 3 босқичи қуриб битказилишига урғу берган. Қувурнинг Ўзбекистон ҳудудига тегишли 529 километрлик қисми кейинги йили тўла ишга тушади.

Ўзбекистоннинг газ қазиб олиш ҳажми йилига 63-65 миллард куб метрни ташкил этиб, мамлакат Россияга 7,5 миллард куб метр, Хитойга 4 милларддан ортиқ миқдарда газ етказиб беради. Қўшни мамлакатларга сотиладиган газни ҳам ҳисобга олсак, қолгани ички бозорни таъминлайди, дейди агентлик.

Эслатиб ўтиш керакки, Ўзбекистоннинг табиий газ заҳиралари унча катта эмас, аниқланганлари 1,1-1,6 триллион кубметр атрофида. Масалан, Туркманистонда 8 триллион атрофида (дунёда 4-чи ўрин), Россияда 45-50 триллион атрофида (дунёда биринчи ўрин).

Ўзбекистон ўз газининг катта қисмини ўзи газ сотадиган Россияга сотиши қизиқ. Шубҳасиз, Кремль/Лубянканинг вассали Ислом Карим газимизни арзон гаровга русларга беради, руслар ундан катта фойда олиб, Европага сотадилар.
« Олдинги хабар Хабарлар рўйхати Кейинги хабар »