Янги йилдан бери Давлат божхона қўмитаси ходимлари тилла, заргарлик буюмларини мамлакатдан ташқарига олиб чиқиб кетишга доир 78 та қонунбузарлик ҳолатлари аниқлаган. Натижада божгирларимиз 1 миллиард 122 миллион сўмлик, оғирлиғи 24,4 килограммдан ортиқ маҳсулотларни тутиб қолишган. Хусусан, марғилонлик Э. Мариповнинг чангютгичи ичидан 1,4 кг оғирликдаги кумушдан тайёрланган заргарлик буюмлари, фарғоналик Д. Сидикжонованинг чўнтакларидан қиймати 2,5 миллион сўмдан зиёд бўлган 159 грамм тилла ва кумуш тақинчоқлар, хоразмлик М. Кутлиевадан қиймати 11,3 миллон сўмлик заргарлик буюмлари Тошкент халқаро аэропортида тортиб олинган.

Шунга ўхшаш ўнлаб факатларни келтирган Давлат Божхона қўмитаси мутахассислари вазиятни таҳлил қилишни, нега заргарлик буюмларининг хорижга чиқаришга уринишлар кўплиги сабабини баён этишни истамайди, дейди мухбиримиз.