11 May 2014
19:28 - Жиззахда зўрланган 4 яшар қизчанинг жасади топилди
Жиззах вилояти ИИБдан олинган маълумотга кўра, шу йилнинг 5 май куни вилоятнинг Пахтакор тумани “Самарқанд” СФУ ҳудудида зўрлаб ўлдирилган 4 яшар қизалоқнинг жасади топилди. Олиб борилган тезкор тергов ишларига кўра, мазкур хўжаликда истиқомат қилувчи, аввал судланган, жабрланувчининг ота-онасига хусумати бўлган Х.Ю. исмли шахс ўткир алкоголь ичимлик ичиб олиб, 29 апрель куни қизалоқни аввал зўрлаб, сўнг ўлдирган.

Инсонийлик қиёфасини бутунлай йўқотган бу кимса қизни бўғизлаган ва жасадини чала кўмиб кетган экан. Ҳозирда бу шахсга нисбатан Ўзбекистон Республикаси ЖКнинг 118, 119 ва 164-моддалари билан жиноят иши қўзғатилган, тергов бошланибди.
« Олдинги хабар Хабарлар рўйхати Кейинги хабар »