11 May 2014
18:50 - “Қора бозор”да долларни жиловлаб бўлмаяпти
Бугун Ўзбекистон “қора бозор”ларида АҚШ долларининг 100 талик купюраси 304 000 сўм (1 АҚШ доллари - 3040 сўм) га сотилди. Саррофлар худди шу миқдорлаги валютани аҳоли қўлидан 301 000 сўмгача сотиб олишмоқда. Пойтахтнинг Қўйлиқ бозоридаги валютафурушлар АҚШ пули қиймати кейинги ҳафтада яна кўтарилиши эҳтимолини таъкидлашяпти.

Эслатиб ўтамиз, 17 апрелдаги хабаримида 100 АҚШ доллари қора бозорда 300 500 сўмдан сотилаётганини билдиргандик.

Ўзбекистон Республикаси Марказий Банки ҳам АҚШ валютасининг сўмга нисбатан қийматини 2284,42 сўм қилиб белгилаган. Қора бозорда долларнинг нархи ортмоқдами, демак, унинг орқасидан юрадиган Марказий Банк ҳам расмий курсни яна оширишга мажбур бўлади, дейди мухбиримиз.
« Олдинги хабар Хабарлар рўйхати Кейинги хабар »