Россия Федерациясининг мамлакатимиздаги элчиси Владимир Тюрденев маҳаллий агентликлар берган интервьюсида ўтган йили Ўзбекистондан Россияга қарийб 3 миллион одам жўнаб кетгани ва шунинг 2,5 миллони қайтганини таъкидлади. Шунингдек, элчига кўра, ўтган йил меҳнат фаолияти учун патент сўраб мурожаат қилган 730 минг фуқаронинг 540 минг нафарига рухсатнома берилибди. Россиядан Ўзбекистонга 6,6 миллиард АҚШ доллари миқдорида пул ўтказилган.

Жаноб Тюрденевнинг меҳнат мухожирлари сони бўйича келтирган рақамлари ҳақиқатдан узоқ. У фақат қонуний йўллар билан Россияга кетганларни назарда тутаётган бўлиши мумкин.

Унинг Россиядан келаётган пул миқдори ҳақидаги гаплари - Ўзбекистонннинг Россияга иқтисодий қарам эканини яна бир исботламоқда, холос. Бу нарса “Ҳаракат”нинг ўқувчилари учун янгилик эмас. Биз буни аллқачондан бериб ёзмоқдамиз ва Россия ҳамда бошқа мамлакатлардаги мардикорларимиздан келаётган пул Ўзбекистоннинг Давлат Бюджетига тенглигини, демак, Ўзбекистон давлат сифатини йўқотиб бўлганини айтмоқдамиз.

Рус элчиси одоб юзасидан буларни айтмаган бўлса керак. Аммо, қизиқ, саводсиз ўзбек журналистлари рус элчисининг истеҳзосини тушунишдимикан?