11 May 2014
12:26 - Эр-Риёдда 1-чи Иқтисодий Форум бўлиши ҳақидаги “Ҳаракат”нинг хабари эндигина Ўзбекистонга етиб келибди
“Араб Давлатлари Лигаси + Марказий Осиё + Озорбайжон” 1-чи Иқтисодий Форуми деб номланган анжуман 13 майда бўлиши “Ҳаракат” сайтида 25 апрель куни қозоқ ахборот воситаларига асосланиб берилганди. Кеча-бугун Ўзбекистоннинг расмий ахборот воситалари ҳам бу ҳақда қисқа ва ҳеч қандай таҳлилсиз хабар тарқатдилар, Абдулазиз Комил раҳбарлигидаги делегация у ерга боришини билдирдилар. Ҳеч қандай таҳлил йўқлигини қўятуринг, нима учун иқтисодий форумга иқтисод бўйича маъсул вазир эмас, ташқи ишлар вазири кетаяпти деган савол ҳам қўймадилар.

Аммо, “Ҳаракат”нинг 25 апрелдаги қуйидаги таҳлилини қайтаришдан фойда бор.

Ўзбекистон иқтисоднинг асосий кўрсатгичи бўлмиш Киши бошига Ялпи Ички Маҳсулот бўйича бу Форумда қатнашадиган, масалан, Қатардан 54, Қувейтдан 30, Саудиядан 15, Қозоғистондан 10, Туркманистон ва Озорбайжондан 6, Миср, Иордания, Жазоир ва Мороккодан 4-6 марта орқада. Форумда биздан ҳам қашшоқ бўлган Сомалия, Судан каби давлатлар борлигигина бизнинг делегациямиз аъзолари Эр-Риёдда гердайиб юришига сабаб бўлиши мумкин.

Тўғри, Ал-Хоразмийнинг авлодларимиз, фақат вазиримиз эмас, ҳаммамизнинг гердайиб юришга ҳаққимиз бор, мардикорлар миллати бўлсак ҳам. Кулганлар кулаварсин устимиздан. Бизга нима?
« Олдинги хабар Хабарлар рўйхати Кейинги хабар »