08 May 2014
23:30 - Сенсацион масхарабозлик: Украинадаги руспараст террористлар Путинни фалон жойга жўнатишди
Кеча Россия Президенти Владимир Путин Европада Хавфсизлик ва Ҳамкорлик Ташкилотининг раиси, Швецария Президенти Дидье Буркхальтер билан учрашгандан кейин сенсацион баёнот бериб, Украинанинг жанубий вилоятларида 11 май куни ўтказилиши режалаштирилаётган мустақиллик референдумларини ҳозирча тўхтатиб туриш кераклигини, 25 майда бўладиган президентлик сайловларни эса, тўғри йўналишдаги қадам эканлигини гапириб қолгани сенсация каби кўринган эди

Бугун маълум бўлишича, бу ростдан ҳам сенсация бўлган, тўғрироғи, сенсацион масхарабозлик бўлган.

Бугун ўзини ҳеч кимнинг ваколатисиз “Луганск халқ кенгаши” ва “Донецк халқ республикаси” деб эълон қилган сепаратист/террористлар Россия Президентининг чақириғига қарамасдан, 11 май куни мустақиллик референдуми ўзказилишини эълон қилдилар.

Ҳамма тушунадики, Владимир Путиннинг чақириғи масхарабозликдан бошқа нарса бўлмаган. У ўзини гўёки тинчликсеқвар қилиб кўрсатмоқчи, Луганск ва Донецкдаги руспарастлар эса, гўёки унинг гапига қулоқ солишмаяпти.

Хуллас, Украина атрофидаги ўйинлар давом этмоқда. Бугун сепаратист/террористлар яна фаоллик кўрсатиб, Украина қуролли кучларини бир қатор шаҳарлардан чекинишга мажбур қилишди.
« Олдинги хабар Хабарлар рўйхати Кейинги хабар »