08 May 2014
23:04 - Европа Иттифоқи элчиси “Адолат” исмли қўғирчоқ партия раҳбарлари билан учрашди
Бу партиянинг “Адолат” газетасида айтилишича, Европа Иттифоқи делегациясининг Ўзбекистондаги ваколатхонаси раҳбари Юрий Шерк ва унинг сиёсий масалалар бўйича маслаҳатчиси Онре Шимек “Адолат” социал-демократик партияси раиси Наримон Умаров ва партиянинг Парлемнтдаги фракцияси раҳбари Абдукамол Раҳмонов билан учрашди. Нашрга кўра, қўғирочоқ партия раҳбарлари мамлакат конституциясига яқинда Президент ташаббуси билан киритилган ўзгаришларнинг инқилобий характерга эга экани, Ўзбекистондаги сиёсий эркинликлар ва фуқаролик жамиятининг тўла шаклланганини гапириб берибди.

Газетанинг ёзишича, ЕИ дипломатлари бу гапларни жон қулоғи билан эшитиб, ўзлари ҳам яшаётган Ўзбекистондаги бундай ўзгаришлардан лол эканини яширишмаган. Ўтган йили “Бирлик” Партияси фаолларини вабул қилган ЕИ ваколатхонаси маъмурлари мухолифатчиларнинг гапларидан мутаассир бўлганди.

Қўғирчоқ партия билан Ўзбекистондаги ягона мустақил сиёсий ташкилот бўлган “Бирлик” Партиясининг қарашлари мутлақо зид эканлиги ЕИ элчисининг бошини айлантирмаганлиги шубҳасиз. Чунки, ЕИнинг вакили ҳозир ҳамма нарсадан хабардор.
« Олдинги хабар Хабарлар рўйхати Кейинги хабар »