08 April 2014
23:04 - Марказий Банк: “5000 талик купюрамизда камчилик йўқ”
Аҳоли ўртасида Ўзбекистон Республикаси Марказий Банки томонидан ўтган йил ярмидан муомалага киритилган 5000 талик купюранинг синиши, унинг истеъмолдан чиқарилиши ҳақидаги узунгқулоқ гаплар шунчалик кенг тарқалдики, банк юу масалага ойдинлик киритишга мажбур бўлди. Одамлар орасида мазкур купюранинг сифатсизлиги, хусусан, унинг ҳимоя қатламига эга эмаслиги ва бу банкнотнинг бекор қилиниши ҳақида миш-мишлар тарқаган, ҳатто кўпчилик савдо муассасалари бу пулни олишдан эҳтиёткорроқ бўлишаётганди.

Бугун Марказий Банк мазкур ҳодиса юзасидан баёнот тарқатиб, масалага ойдинлик киртиди. Унда айтилишича, энг йирик купюра бўлган бу банкнот ҳақидаги гаплар асоссиз. У яқин орада бекор қилинмайди. Аксинча, дейди мухбиримиз, пул инфляцияси шу кетишда бўлса бундан йирик купюраларни чиқаришга ҳам тўғри келади. Вақти келиб, миллионлик купюралар чиқарилса, ҳар бир ўзбек миллионер бўлади, 5 минглик купюрага эса эҳтиёж ҳам қолмайди.
« Олдинги хабар Хабарлар рўйхати Кейинги хабар »