05 April 2014
11:30 - Украинанинг Марказий Сайлов Комиссияси президент номзодларини рўйхатга олишни тамомлади
Комиссияга 46 номзод ўз аризаси ва ҳужжатларини топширган эди, уларнинг 23 нафарига рад жавоби берилди, 23 нафари расман президентликка номзод мақомини олди. Сайловлар 25 майда бўлишини ҳисобга олсак, бу 23 номзоднинг бир қисми турли сабабларни рўкач қилиб, ўйиндан чиқишини кутиш керак.

Рўйхатга олинган 23 номзоднинг 7 нафари партиялар тарафидан кўрсатилган, 16 нафари ўз ташаббуси билан номзод бўлган.

Номзодлар ичида пичоққа илинадигани қуйидагилар:

Петр Порошенко – ўз ташаббуси билан номзод бўлган, зарғалдоқчилардан, Украинанинг 6-чи бойи
Юлия Тимошенко – “Баткившчина” блокининг номзоди, собиқ Бош вазир
Михаил Добкин - ўз ташаббуси билан номзод бўлган, Харьков вилоятинингсобиқ ҳокими, россияпараст

“Ҳаракат”нинг фикрича, асосий кураш шу 3 номзод ўртасида бўлади, Петр Порошенко ғалаба қозонади.

Расмда - Петр Порошенко чапдан иккинчи, АҚШ Давлат Котиби Жон Керрининг ёнида.
« Олдинги хабар Хабарлар рўйхати Кейинги хабар »