04 April 2014
21:16 - Ўзбекистондаги энг катта воқеа: Ucell тариф ставкаларини 1 центга оширди
Мамлакатдаги энг йирик алоқа операторларидан бири Ucell мобил алоқа оператори 15 апрелдан бошлаб, Prepaid тизимидаги тариф нархларга ўзгаришлар киритилганини маълум қилди. Бу хабарчилик масхарабозликка айлантирилган Ўзбекистондаги куннинг энг йирик воқеаси. Хатто, ўзбек-қозоқ чегараларини демаркация қилиш ишлари бошлангани, трук элчси Самарқанд ва Бухорога Истанбулдан авиарейслар очиш ташаббуси билан чиққани ҳақидаги муҳим янгиликлар ҳам оммавий ахборот воситаларида ажиотаж ясаган бу тарифларнинг бир центга оширилоиши воқеа соясида қолиб кетди.

Маълум бўлишича, "Оддий" тарифидаги абонентлар учун Ўзбекистон бўйича чиқувчи СМС, шунингдек тармоқ ичидаги чиқиш қўнғироғи дақиқасига ҳозирги $0.01 ўрнига $0.02дан нархланармиш. "Осон ҳисоб" тарифида Ўзбекистон бўйича барча чиқувчи қўнғироқларнинг дақиқаси ҳозирги $0.02 ўрнига $0.025 этиб белгиланади. Аввалроқ эса мамлакатга жиноий йўл билан кирган Ucell мобил алоқа оператори 4 апрелдан мазкур тизим тариф режаларида кундалик абонент тўлови ошганлигини маълум қилганди.

Мамлакатда одамлар қўшнилар билан чегараларни демаркация, делимитация қилишдек муҳим тадбирлардан кўра “1 цент” воқеасига эътибор қаратаётгани ҳақиқатан ҳам фожиа. Хабарлар мамлакатдаги аҳволнинг ўзига хос импульси экан, демак, ўзбеклар қўшнилар билан муносабат, интеграция ва сиёсий келажакни атиги 1 центга алмаштиришга тайёр, дейди мухбиримиз.
« Олдинги хабар Хабарлар рўйхати Кейинги хабар »