25 March 2014
23:24 - “Кафолат” хўжайинининг кейинги тақдирига ҳеч ким кафил бўлмади
Ҳукумат қарори билан мамлакатдаги энг йирик ҳисобланадиган “Кафолат” суғурта ширкатининг раҳбари Икром Ҳалимов лавозимидан четлатилди. Ҳукумат қарорида Ҳалимовнинг истеъфоси бошқа ишга ўтказилгани билан изоҳланади. Аммо мухбирларимиз сўзлашган суғурта агентлари Ҳалимовнинг бир неча миллионлик талон-тарож билан терговга тортилганини айтишмоқда.

Ҳозирда унинг ўрнига ширкат Кузатув кенгаши қарори билан Равшан Нарзуллаев деган шахс вақтинчалик бошқарувчи этиб тайинланган.Ширкат тизимида ҳуқуқ-тартибот органлари томонидан тафтишлар ўтказилмоқда.

Устав капитали қарийб 8,5 миллион евро бўлган мазкур ширкат мамлакат суғурта бозоридаги энг йирик турдош ташкилот бўлиб, у суғурта бозори шаклланмаган Ўзбекистонда ҳукумат қарори билан 1997 йилда ташкил қилинганди.
« Олдинги хабар Хабарлар рўйхати Кейинги хабар »