25 March 2014
22:10 - Рус миллатчилари ҳамюртимизни поезддан улоқтирди, ўзбекларга нима?
Бир қанча оммавий ахборот воситаларининг ёзишича, 20 март куни соат 22 лар атрофида “Шатура-Москва” йўналиши бўйича кетаётган электрпоездга чиққан рус миллатчилари Россияда қоралар деб аталувчи Марказий Осиёликларни калтаклашган. 30 ёшлар атрофидаги ўзбек йигитини поезддан улоқтиришган.
"Перронга чақирилган тез ёрдам машинаси ва полициячилар поезддан отворилган ўзбекни тез юрар поезд ўтган темир йўл яқинида топишган. Оғир аҳволда бўлган меҳнат муҳожири Люберци шаҳар шифохонасига олиб кетилди” дейилади ОАВ материалларида.

Россия Ички ишлар вазирлигига кўра, полиция ходимлари 9 нафар вояга етмаган шахс, яъни тақирбошни ҳисбга олган ва ҳодиса юзасидан полиция Россия Федерацияси Жиноят Кодексининг 105-моддаси, яъни “Қотиллик” моддаси асосида жиноят иши очган.

Хўш, бу воқеага ўзбекларнинг муносабати қандай бўлади? Бу саволга жавоб бериш учун пайғамбар бўлиш шарт эмас. 4 йил муқаддам бир ҳовуч қирғиз фашистлари Ўзбекни ўз она ерида тириклайин ёққанда, қизларимизни зўрлаган, йигитларимизни чавақлаганида жим турган жаҳон ўзбеклари рус неонацистларнинг ҳаракатларига парво қилармиди, дейди мухбиримиз.
« Олдинги хабар Хабарлар рўйхати Кейинги хабар »