24 March 2014
20:13 - Пора бериш ва фирибгарликда айбланаётган адвокат ҳибсга олинди, президентнинг касби пора олиш бўлган Фуҳуша қизи нега олинмайди?
Пойтахтдаги “Az-Ixlos” адвокатлик фирмаси адвокати Ботир Жумаев пора бериш ва фирибгарликда айбланиб ҳибсга олинди. 1962 йилда туғилган Ботир Жумаев Тошкент шаҳар прокуратураси қошидаги Департамент ва МХХнинг Тошкент шаҳар бошқармаси тезкор вакиллари томонидан ҳибсга олинган, ҳозирда Тоштурмада сақланмоқда. Унга нисбатан Ўзбекистон Репсубликаси ЖКнинг 168-моддаси 2-қисми (Фирибгарлик) ва 211-моддаси 2-қисми (Пора бериш) билан жиноят иши қўзғатилиб, тергов ҳаракатлари олиб борилмоқда.

Қўзғатилган жиноят иши материалларига кўра, адвокат Жумаев ўзи ҳимоя қилаётган Л. исмли вояга етмаган қизга зўровонлик қилишда айбланаётган шахсларга нисбатан таъмагирлик қилган. Уларнинг ишини енгиллаштириб бериш мақсадида воситачилик қилишга уринган. Асли қашқадарёлик бўлган собиқ адвокат собиқ прокуратура ходими эди, дейди мухбиримиз.

Балки, хабар сарлавҳасидаги савол унчалик тўғри эмасдир. Чунки, Президент Ислом Каримнинг Фуҳуша лақабли порахўр қизи уй ҳибсига олингани ҳақида гап-сўзлар кўп. У давлатнинг изоляторида эмас, давлат раҳбарининг уй-изоляторида сақланаётгани эса, диктаторлик учун нормал воқеа. Чунки, диктаторлик бутун мамлакат ва ҳамма уйлар диктаторнинг қўлидаги катта изолятордир.
« Олдинги хабар Хабарлар рўйхати Кейинги хабар »