24 March 2014
00:54 - Бизга $1,2 млн бераётган Японияга офарин деймизми ёки шведларнинг TeliaSonera ширкатига ёпишамизми?
Бир қатор қўғирчоқ ахборот воситалари ўзини “Туркистон-пресс” деб танитадиган гўёки нодавлат ахборот агентлигига асосланиб, “Япония мактаб ва касалхоналарни жиҳозлаш учун $1,2 млн ажратди” номли хабар тарқатдилар. Даҳшат, 1,2 млн доллар-а!! Японларга офарин дейишимиз, омади бор халқ эканлигимизга хурсанд бўлишимиз керакмасми? Керак, нафақат хурсанд бўлишимиз, дўппимизни осмонга отиб хурсанд бўлишимиз керак.

Аммо, қозондан фарқи бўлмаган ва бошимизни сиқиб, миямизни ҳам ишлатмай қўйган дўппимизни отиб ўтирмасдан, уни олдимизга қўйиб, ўйласакчи?

Ҳозир ҳамма биладики, Ўзбекистон Президенти Ислом Каримнинг Фуҳуша лақабли фоҳиша қизи Ўзбекистонда яхшигина фаолият олиб бораётган МТС-Ўзбекистон мобиль телефон шикатининг бизнесини 350 миллион доллар пора эвазига Швециянинг TeliaSonera ширкатига олиб берганди. Қаранг, $350 миллион!!!

Фуҳуша асосан порахўрлик билан шуғулланиб келганини ҳисобга олсак, унинг миллиардлаб доллар пули борлигини ҳам тушунамиз.

Шунча пул турганда Япониянинг садақа дейишга ҳам арзимайдиган ёрдами устидан келиш керак эмасми?

Қозон дўппи билан боши сиқилган ўзбеклар ҳали кулиш нималигини ҳам билмайдилар. Аммо, японлар “алдагани ўзбек яхши” деган мақолни яхши билиб олишган ва Ўзбекистон ҳукумати ҳамда оддий ўзбеклар шу $1,2 млн учун японларнинг ҳамма тешигини ўпишга тайёр эканлиги устидан роса кулаётган бўлсалар ажаб эмас.

Қолаверса, шведлар $350 миллион порани бекор беришмаган, биздаги сифати паст бизнесларидан ҳам яхшигина фойда олишмоқда. Японларни овора қилиб ўтирмасдан, мактаб ва касалхоналаримизни жиҳозлашни TeliaSonera ширкатининг бўйнига юклаш керакмасми?

Ҳозир “Бирлик” Партияси ва “Ҳаракат” Агентлигининг танқидлари ўз адресини топаётганини ақли бор одамлар тушунишга бошлагани маълум. Умид қиламизки, танқид-таклифимиз TeliaSonera ширкатига ҳам етиб боради.
« Олдинги хабар Хабарлар рўйхати Кейинги хабар »