Озорбайжонларнинг Trend агантлигининг 3 қаторлик хабарига кўра, бу мамлакатнинг Президенти Илҳом Алиев бугун иш бошлайдиган Ядровий хавфсизлик бўйича учинчи саммитда иштирок этиш учун кеча кечқурун Голландиянинг пойтахти Гаагага келибди. Аввалги хабарларимиздан маълумки, Қозоғистон Президентит Нурсултон Назарбой ҳам саммит қатнашчилари рўйхатида бор. Янги хабарлардан бири шундан иборатки, Украинанинг Бош вазири Арсений Яценюк Халқаро Валюта Фонди билан Украинага молиявий ёрдам бериш масаласи бўйича олиб борилаётган муҳим музокараларда иштирок этиш учун Гаагага келмайдиган бўлибди.

Маълумки, Қозоғистон, Озорбайжон ва Украина ядровий қуролга эга эмаслар, аммо бу мамлакатларнинг президентлари саммитда иштирок этадилар. Чунки, бу мамлакатлар жаҳон муаммаоларини ҳал этишда ўзига яраша ўринга эгалар.

Хўш, нима учун қатнашчилар рўйхатида Ўзбекистон Президенти Ислом Каримнинг исми йўқ? Чунки, Ўзбекистон дунёни қўйиб туринг, Марказий Осиёда ҳам мавқесини йўқотиб бўлди. Қариб қолган ва яккамоховга айланган Ислом Карим билан энди ҳеч кимнинг иши йўқ.

Ўзбекистоннинг ва ўзбек халқининг аввалги мавқесини тиклаш масаласи билан фақат “Бирлик” Партияси ва “Ҳаракат” Агентлиги шуғулланмоқда. Ўзбек миллати ва Ўзбекистон давлатининг келажагини ўйлайдиганларниннг “Бирлик” Партияси атрофида бирлашишдан бошқа йўллари йўқ.