Ўтган ҳафтани оз бўлса ҳам асосан тушиш билан ўтказган Нью-Йорк фондлар биржасининг асосий кўрсатгичи Dow Jones индекси, ўтган ҳафтанинг охирида 16 минг 66 да тўхтаганди. Охирги иш куни кеча бўлган жорийдаги ҳафтада эса, Dow Jones индекси асосан ўсди ва кеча 16303 да тўхтади.

Демак, хулоса қилиш мумкинки, Россиянинг Қримни босиб олиши билан бошланаётган совуқ уруш ҳам, 2008 йили бошланган молиявий-иқтисодий кризисдан чиқаётган АҚШнинг иқтисодига салбий таъсир кўрсатолмади. Dow Jones индекси 2008 йилдаги кризисдан аввал бўлгани каби маълум бир коридор ичида тушиб-чиқиб турибди.

АҚШда Маркзий Банк ролини ўйнайдиган Федерал Резерв Системаси бошқа банкларга пул берганда улардан оладиган фойда фоизини яна 0-0,25 атрофида сақлаб қолгани – АҚШ кризисдан тўла чиқолмаганини кўрсатиши мумкин. Лекин, “Ҳаракат” Агентлигининг экспертлари Федерал Резерв Системаси ўта эҳтиёткорлик қилаётганини ва бундай эҳтиёткорлик келажак нуқтаи назаридан фойдали бўлишини айтмоқдалар.