12 March 2014
23:47 - Ўтган йили Ражаб Эрдўғонга қарши митингда полиция томонидан урилиб, комага кирган Беркин Элван кеча ўлди, бугун унинг юз минглаб кишилар мозорга кузатди, ўзбекларга нима?
Ўтган йил июнь ойида Туркия Бош вазири Ражаб Эрдўғоннинг истеъфосини талаб қилганларнинг бир неча кун давом этган митингларида 2,5 миллионга яқин одам иштирок этган экан. Полиция уларни келтаклагани, улар устидан кўз ёшартирувчи газлар сочгани ҳақида биз ҳам хабар берган эдик. Ўшанда бир неча киши ҳалок бўлган эди. 15 ёшлик Беркин Элваннинг бошига полициячилар газ канистраси билан уришганда комага кирган экан, кеча ўлибди.

Бугун уни жанозасига юз минглаб одам тўпланди, дейилади Туркия матбуотининг хабарларида. Тўпланганлар мозоргача тобут билан биргаликда 4 соат юришибди. Беркин Элван шиаларга яқинлиги билан билинган алавийлар мазҳабидан экан. У билан хайрлашиш учун Туркиянинг бир қатор таниқли сиёсатчилари ва санъатчилари келишган.

Бундай воқеалар ҳар қандай миллат ва мамлакатнинг тарихида умрбод қолади. Бу сабаб билан Совет Армиясида хизмат қилаётганда ўлдирилган бир ўзбек йигитининг жанозаси 1990 йил 26 апрель куни “Бирлик” фаоллари тарафидан намойишга айлантирилганини эслаш лозим. Ўшанда намойишчилар қўлларидаги тобут билан милиция тарафидан йўлни тўсиш учун қўйилган икки қатор юк автомобиллари устидан ўтиб, Ислом Карим ишлайдиган ЎзКомпартия Марказий Комитетининг биносигача боришганди. Бу воқеа видеофильмга олинган ва кейинчалик Youtube cаҳифаларига қўйилган эди.

Ҳеч шубҳа йўқки, бу фильмдан парчалар келажакда ўзбек мактабларидаги дарсларда кўрсатилади. Лекин, бугун бу фильмни Youtube саҳифаларидан олиб ташлашгача борган номардлар борлиги – ўзбек миллати қорамоллар подасига айланганининг ёрқин исботларидан биридир.
« Олдинги хабар Хабарлар рўйхати Кейинги хабар »