13 March 2014
00:50 - Хабарчилик- масхарабозлик: Ўзбекистони Президенти чет элга чиқиш рухсатини ўзидан оладиганлар рўйхатини эълон қилибди
Русларнинг lenta.ru сайти Россия Федерал Хавфсизлик Хизмати тарафидан Марказий Осиёда Россиянинг таъсир кучини сақлаб қолиш ва орттириш мақсадида яратилган икки нашрдан биттаси бўлмиш fergananews.com сайтига асосланиб хабар беришича, Ўзбекистон Президенти чет элга чиқишни ўзи билан келишилган ҳолда амалга ошириши керак бўлган амалдорларнинг рўйхатини эълон қилибди.

Бу каби рўйхатлар ҳамма давлатларда бўлиши мумкин, Ўзбекистон каби диктаторликларда эса, рўхат бор-йўқлигидан қатъий назар юқори даражали амалдорлар Президентнинг ўзи ёки идорасининг рухсатисиз ҳожатхонага ҳам боришмаса керак. Нима сабабдандир, Ислом Карим расмий рўйхат эълон қилишга қарор қилган бўлиши мумкин. Бундай рўйхат ҳақидаги хабар иқтибос қилиниши бўйича Россияда биринчи ўринда турадиган lenta.ru сайтининг диққатини ўзига тортгани қизиқ. Бундан ҳам қизиғи, fergananews.com сайти ўз хабарини Ўзбекистондаги norma.uz сайтига асосланиб беради. Бу сайт эса, майдалашиб ўтирмасдан, бугун Президент қарорининг русча матни эълон қилиб қўяқолган.

Ҳамма гап шундаки, фақат русча саҳифага эга бўлган ва ўзини Norma.uz (Законодательство Республики Узбекистан) деб танитадиган бу сайт давлатнинг расмий нашри эмас, яъни, кимнингдир хусусий сайти/нашри. Шундай экан, Ўзбекистон Президентининг шу йил 5 мартда имзоланган, аммо ҳеч қаерда эълон қилинмаган Қарори қандай қилиб, бу сайт эгаларининг қўлига тушиб қолди?

Қолаверса, шундай қарор аслида борми? У биронта расмий манбада эълон қилинганми? Бу каби саволларга жавоб йўқ. Шунинг учун Ўзбекистонда хабарсикнингмасхарабозликдан фарқи йўқлиги ҳақидаги фикримиз мутлақо тўғридир.
« Олдинги хабар Хабарлар рўйхати Кейинги хабар »