12 March 2014
22:57 - Давлат ветеринария хизмати ҳайвонларнинг қутураётганини тан олди. Ўзбекистон раҳбарияти миллат подага айланганини ҳам тан олиши керакмасми?
Бир қанча оммавий ахборот воситалари, хусусан, “Озодлик” радиосининг ўзбек тилидаги программаларида Жиззах вилоятининг Ғаллаорол туманида итлар ва бошқа уй жониворларида қутуриш касаллиги авж олгани, бундан аҳоли зарар кўраётгани ва тиббий давоси йўқ деб ҳисобланадиган қутуришдан 13 яшар қизалоқнинг вафот этгани хусусидаги маълумотлар янграганди. Бугун Ўзбекистон Давлат ветеринария хизмати бир қанча ҳукумат кўз қарашини ифода этувчи мустақил “сайт”ларга бу хусусдаги раддияни жойлаштирибди. Раддияда қутуришнинг оммавий эмаслиги, аммо қутуриш фактларининг тасдиқлангани ҳақида айтилади.

Давлат ветеринария хизмати тарафидан қутурган ҳайвонларни овлаш камапнияси бошланиб, бунга энг яхши мутахассисларнинг жалб қилингани айтилади.

Ўзбеклар миллат сифатини йўқотиб, Ўзбекистон давлат сифатини йўқотаётган пайтда қутирган итлар масаласи билан шуғулланишнинг ўзи аҳмоқликдир. Агар “Озодлик” радиоси ва унга жўр бўлаётган ахборот воситалари миллат ва давлат муаммолари билан шуғулланишса эди, қутирган ит ва бошқа уй ҳайвонлари муаммоси ўз-ўзидан йўқ бўлиб кетарди.

Қайтадан миллат бўлиш учун қутирган итларни эмас, авваламбор миллат ва давлат муаммолари билан иши бўлмаганларнинг овозини ўчиришга маҳкуммиз.
« Олдинги хабар Хабарлар рўйхати Кейинги хабар »