05 March 2014
19:36 - Туркия ҳукумати раҳбари Эрдўғон Ўзбекистонга келади. "Бирлик" Партиясига нима?
Бу ҳақда Туркия Республикасининг Ўзбекистондги элчиси Намиқ Гунер Эрпул маълум қилди. Элчи Сочида ўтган қишки Олимпиада ўйинлари чоғида Эрдўғон ва Ислом Карим кўришганини эслатиб, яқинда Ислом Карим ўзини чақиртиргани ва Ўзбекистон — Туркия муносабатларини ривожлантириш, давлат раҳбарлари ўртасида учрашувлар ташкил қилиш бўйича таклифларини билдирганини айтди.

Таъкидлаш керак, узоқ йиллардан бери икки давлатнинг ҳукумат ва давлат раҳбари даражасидаги учрашувлар умуман ўтказилмаган. Ислом Карим Турк давлатларининг саммитларига бормайди. Маълумки, айнан шуни ҳам ҳисобга олган “Ҳаракат” Агентлигининг мухбир ва экспертлари Ислом Каримни Турк дунёсининг душмани деб айтишади.

Шу йил 30 мартда Туркияда маҳаллий сайловлар бўлади. Эрдўғон ҳукуматининг бир қатор одамлари коррупция ва порахўрликда айбланаётгани туфайли, бу сайлов стратегик аҳамиятга эга бўлиб қолган. Эрдўғон ҳар куни сайловолди митингларида қатнашиб, расмдаги каби ғазаб билан ўзи ва одамларини оқлашга ҳаракат қилммоқда. Демак, у Ўзбекистонга сайловлардан кейин келишини кутиш керак.

"Бирлик" Партияси ва "Ҳаракат" Агентлиги бу масалаларда оддий исломчига айланиб қолаётган Эрўғоннинг танқидчилари қаторида бўлганлари сабабли ҳам Ислом Карим у билан кўришиш истагига тушиб қолган бўлишининг эҳтимоллиги катта. Яхши, шу баҳона Ўзбекистон Турк дунёси билан алоқаларини ривожлантиришга бошласа, хурсанд бўлиш керак.
« Олдинги хабар Хабарлар рўйхати Кейинги хабар »