03 March 2014
22:06 - Ўзбекистонда автоуловлар нархи яна ошади
Шу йилнинг 1 апрелидан бошлаб GM Uzbekistan автозаводида йиғилаётган автомобиллар нархи ички бозорда 7 фоиздан 12 фоизгача қимматлайди. Бу ҳақда “Ўзавтосаноат” компаниясининг ташқи афаолият департаменти бошлиғи Темур Юнусов хабар қилди. Унинг таъкидича, ички бозорда автомобилларнинг сотуви ҳажми 2011 йилда 2,6 миллиард АҚШ долларини, 2012 йилда эса 3 миллиард АҚШ долларини, ва ниҳоят, ўтган йилда 3,3 миллиард АҚШ долларини ташкил этган. Бу йил бу кўрсаткич 3,7 миллиардга етиши керак.

Ўтган йилнинг ёзида ана шу йиғилаётган автоуловлар нархи 30 фоизгача қимматлаган, мамлакатга импорт билан кирадиган автоуловларга эса дунё тарихида кузатилмаган даражада бож тўловлари (150-200 фоиз атрофида — Ҳаракат) белгиланган. Шундай зўровонлик билан автосаноатни ривожнатираётган Ўзбекистон ҳукумати ўзини дунёда миллий автомобилсозликка эга 28 мамлакатнинг бири деб ҳисоблайди.
« Олдинги хабар Хабарлар рўйхати Кейинги хабар »