16 February 2014
08:26 - Собиқ Авлиёота шаҳрида Хоразмда туғилган Анна Германнинг туғилган куни нишонланди
Келиб чиқиши бўйича немис бўлган, аммо машҳур поляк хонандаси, эстрада юлдузи сифатида танилган Анна Герман 1936 йил 14 февралда Ургенчда туғилди. Унинг бутун умр Россия Империясида яшаган отаси Ургенчга сургун қилинган ва 1938 йили отиб ташланган.
Анна кейинчалик онаси билан Тошкентда, кейин Авлиёотада ҳам яшади. 1946 йилда миллати поляк бўлган ўгай отаси билан Польшага кўчиб кетди.

Ўтган асрнинг 60-чи йилларида эстрада юлдузига айланган Анна Герман рус тилида ҳам тарихда қоладиган ашулалар айтган. 1982 йили саркома касали билан оламдан ўтган Анна Герман 46 ёшда эди.

Қозоқ хабар агентликларига кўра, 14 февраль куни аввал оти Жамбул, кейин Тараз деб ўзгартирилган, аслида ўзбекларнинг тарихий шаҳри бўлган Авлиёотада Анна Германнинг туғилган куни нишонланибди. Чунки, Анна Герман қисқа вақт бўлса ҳам шу шаҳарда яшаган.

Тошкентда ёки Ургенчда бу кун у ёки бу шаклда нишонланиб-нишонланмагани ҳақида хабар йўқ.
« Олдинги хабар Хабарлар рўйхати Кейинги хабар »