15 February 2014
23:31 - Январда ўпирилган Dow Jones индекси, февралда юқорига сакрамоқда
Ўтган шанба кунги хабаримизда Нью-Йорк фондлар бозорининг асосий кўрсатгичи бўлган Dow Jones индекси сўнги январнинг иккинчи ярмида тахминан 1 минг поғанга ўпирилиб тушиб, кейин кўтарилишга бошлаганини билдирган эдик. Кеча фондлар бозорида жорийдаги ҳафтанинг сўнги иш куни бўлди. Натижа ижобий – ҳафта бўйи узлуксиз ортиб борган Dow Jones жума кунининг охирида 16 минг 154 да тўхтади.

Эслатиб ўтамиз Dow Jones индекси 2013 йилнинг 31 декабрида тарихий рекорд қўйиб 16,588 га чиққан эди. Энди юқорига сараш бўлмоқда.

Кўринишидан, АҚШда янги кризис бошланиш эҳтимоли катта эканлиги ҳақидаги башаротлар асосиз бўлган. Бундан буён Dow Jones индекси 15-17 минг ўртасида ўйнаб туриши оддий ҳолга айланса керак.

Бундай “ўйнаб туриш” мамлакатнинг умумий иқтисодига катта таъсир кўрсатмаса ҳам, кимлардир ютади, кимлардир ютқазади. Демак, бозорнинг ўйинчилари ҳар доим ўта сезгир бўлишлари керак. Нима ҳам дердик, буни бозор иқтисодиёти дейдилар.
« Олдинги хабар Хабарлар рўйхати Кейинги хабар »