20 April 2013
21:49 - АҚШ Давлат Котибининг ёрдамчиси Роберт Блейк Остонадан Олмотага Тошкент орқали учади
Давлат Департаменти тарқатган расмий маълумотга кўра, Давлат Котибнинг Жанубий ва Марказий Осиё бўйича ёрдамчиси Роберт Блейк (расмда) 22-26 апрель кунлари Қозоғистон ва Ўзбекистонда бўлади.

23 апрелда Роберт Блейки Остонда Қозоғистон расмийлари билан кўришиб, икки мамлакат ўртасидаги муносабатларга оид масалаларни муҳокама қилади ва Назарбоев Университетида талаблар олдида нутқ сўзлайди, фуқаролик жамияти фаоллари билан учрашади.

Сўнгра Тошкентда келадиган Роберт Блейк бу ерда Ўзбекистон расмийлари билан учрашувлар ўтказади, 24 апрелда Жаҳон Иқтисоди ва Дипломатия Университетида АҚШнинг Марказий Осиё сиёсати бўйича лекция ўқийди. У фуқаролар жамияти лидерлари ва бизнесс вакиллари билан ҳам кўришади.

25 апрелда Олмотага келадиган Роберт Блейк Давлат Котибининг ўринбосари Уилям Бернс билан бирга шу шаҳарда ўтказиладиган "Осиёнинг юраги" номли конференцияда қатнашади.

"Эзгулик" жамиятининг раиси, "Бирлик" Партиясининг Бош котиби Васила Иноят ҳам Роберт Блейк билан 24 апрелда бўладиган учрашувга таклиф қилингани, учрашув АҚШ элчисининг қароргоҳида бўлиши ҳақидаги хабарни "Ҳаракат" мухбири аниқлади.
« Олдинги хабар Хабарлар рўйхати Кейинги хабар »