18 April 2013
18:54 - Эй, Ўзбеклар! Қайтдан миллат бўлайлик, миллий ғурур ва миллий ҳис-туйғуларни тирилтирайлик
Биз ҳаммани YouTube cаҳифасига жойлаштирилган бир видеофильмни кўришга чақирмоқдамиз. Бу фильм Совет армияси сафида хизмат қилаётган пайтида ваҳшийларча ўлдирилган Ўзбек йигитининг 1990 йил 26 апрелдаги (Ҳайит куни) кўмиш маросими "Бирлик" тарафидан намойишга айлантирилгани, тобут ўша пайтда Ислом Карим ишлайдиган жой - Компартиянинг Марказкоми биноси олдигача кўтариб келиниши ҳақида.

Аммо, бу ва бу каби фильмларни юз минглаб, миллонлаб ўзбеклар кўриб, дод деб бақирадиган даражага келмагунча миллат бўлолмаймиз.

Қирғиз фашистлари Ўзбекни тириклайин ёққанда, Ўзбек аёлларини тўдалашиб зўрлашганда, Ўзбек аёлларининг қорнидан ҳали туғилмаган Ўзбек чақалоқларни суғириб олиб, бошини копток қилиб тепишганда қисиб ўтирган Ўзбекистон ва жаҳон ўзбеклари қандайир аскарнинг ўлимига "дод" демаслиги билардик. Аммо, миллий ғурур ва миллий ҳис-туйғуларни тирилтириш учун ҳаракатларимиз давом этаверади.

Ҳис-туйғу нималигини ўрганишни истаган ўзбеклар қуйида кўрсатилган линк бўйича бир турк қизчасининг саҳнада ашула айтаётганда ўзи ҳам, унга қўшилиб бутун зал ҳам йиғлаганини кўришса ёмон бўлмасди. Дарвоқе, бу қизнинг йиғлашини турли сайтларда дунё бўйича 5 млн одам кўрибди.

http://www.youtube.com/watch?v=0OUQf7H0JDY
« Олдинги хабар Хабарлар рўйхати Кейинги хабар »