16 April 2013
22:19 - Испания депутатлари делегацияси Тошкентга келди, бизнинг Парламентимиз спикери Канадага кетди
Ўзбекистон Республикаси Олий Мажлиси Қонунчилик Палатаси матбуот хизмати тарқатган маълумотга кўра, Испаниянинг Валенсия провинцияси (Халқ партияси) сенатори, Европа Кенгаши аъзоси Педро Аграмунт раҳбарлигидаги Испания парламенти делегацияси 15 апрель куни Ўзбекистон Республикаси Олий Мажлиси Қонунчилик палатасида учрашувлар ўтказибди. Мулоқотлар чоғида Испания ва Ўзбекистон раҳбарларининг аввал Мадридда ўтказган учрашувларида эришилган келишувлар ўзаро ҳамкорлик ривожида муҳим ҳуқуқий асос бўлиб хизмат қилаётгани алоҳида таъкидланибди.

Ўзбекистон Республикаси Олий Мажлиси Қонунчилик палатасининг Спикери Д. Тошмуҳамедова бошчилигидаги парламент делегацияси эса, Канада Республикасига расмий ташриф билан жўнаб кетган. 15-22 апрелга мўлжалланган учрашувлар чоғида Канада парламентининг қонун ижодкорлиги соҳасидаги тажрибаси, икки томонлама парламентлараро ҳамкорлик муносабатлари муҳокама қилинади. Шунингдек, тадбир доирасида Канаданинг Карлтон Университетида «Ўзбекистонда парламентнинг ривожланиш истиқболлари» мавзусида тақдимот брифинги ўтказилиши режалаштирилган.

Карлтон Университетида Ўзбекистон деган давлат борлигини, бу ерда қанақа диктаторлик ўрнатилганини биладиган одам бўлса, шундай диктаторликда парламент деган нарса борлиги устидан роса кулса керак.
« Олдинги хабар Хабарлар рўйхати Кейинги хабар »