16 April 2013
16:51 - Тошкентда шахсий гаражлар бузиб ташланади
2013-2014 йиллари Тошкентдаги автомобиль гаражлари қадамма-қадам бузиб ташланиб, замонавий енгил гаражлар қурилиши ҳақидаги қарорни Тошкент ҳокими 8 апрелда имзолаган, бу қарор Халқ депутатлари шаҳар кенгаши тарафидан 9 апрелдаёқ тасдиқланган. Қарор "Тошкент оқшоми" ва "Вечерний Ташкент" газеталарида эълон қилингач, бир ойдан кейин кучга киради. Аммо, у ҳали эълон қилинмаган.

Бу йил май ойидан бошлаб 23073, 2014 йилда 17753 дона гараж бузилиши кутилмоқда. Шаҳарнинг Архитектура ва Қурилиш бўйича Бош Бошқармасига бир ой ичида янги қуриладиган замонавий автомобиль сақлаш жойларининг умумий лойиҳасини ишлаб чиқариш топширилибди.

Бу ҳам керакли иш, аммо шаҳар ҳокимлиги, Ислом Каримдан ўрнак олиб, ўзининг асосий вазифаси янги иш жойлари яратишга қаратилган ташаббуслар билан чиқиш эканлигини унитиб қолмаса бўлди, дейди мухбиримиз.
« Олдинги хабар Хабарлар рўйхати Кейинги хабар »