16 April 2013
18:43 - Оллоҳшукур Пошшозода қайтадан МДҲ Мусульмонлар Маслаҳатчи Кенгашининг раиси қилиб сайланди
Кеча Бокуда МДҲ Мусулмонлар Маслаҳатчи Кенгаши (шунақаси ҳам бор экан - "Ҳаракат") навбатдаги мажлисини ўтказиб, Оллоҳшукур Пошшозодани қайтадан раис қилиб сайлади. У Кавказ Мусулмонлар Бошқармасининг ҳам раисидир. 1949 йилда туғилган Оллоҳшукур Пошшозода профессор, тарих фанлари доктори ҳамдир. Тамомийла ҳукуматнинг одами.

Бугун Оллоҳшукур Пошшозода раҳбарлигида Бокуда "МДҲ мусулмонлари тинчлик ва барқарорлик тарафдорлари" номли халқаро конференция ҳам бошланди. Озорбайжон, Россия, Белорусия, Қирғизистон ва бошқа МДҲ давлатларининг раҳбарлари бу конференцияга табрик мактублари жўнатишганини хабар қилган маҳаллий ахборот воситари ҳеч бир ерда Ўзбекистонни тилга ҳам олмайдилар. Шу сабабли, Оллоҳшукур Пошшозодани сайлашда ва бугунги конференцияда Ўзбекистон мусулмонларининг вакиллари иштирок этиб-этмаганларини билмаймиз, дейди мухбиримиз.
« Олдинги хабар Хабарлар рўйхати Кейинги хабар »