15 April 2013
22:25 - Ислом Карим раҳнамолигида Тошкент туғруқхоналарида порасиз туғиб ҳам бўлмайди
Тошкент шаҳридаги 9-сонли туғруқ комплекси акушер-гинекологи беморлардан биридан 400 АҚШ доллари миқдорида пора олаётганида ҳуқуқни муҳофаза қилиш органлари томонидан ҳибсга олинган. Бу ҳақда Учтепа тумани прокурори ёрдамчиси А.Абдуллаев “Ҳуқуқ” газеатси орқали жамоатчиликка маълум қилди. Туғиш учун келган беморлардан биридан 500 АҚШ долари миқдорида пора талаб қилган шифокорга нисбатан қўлга олиш амалиёти ўтказилган ва шифокор юқоридаги сумма билан хизмат хонасида қўлга олинган.

Таъкидлаш керак, кейинги йилларда Ўзбекистонда қама-қама авжига минди, пора билан ушлаш “операция”лари конвейри йўлга қўйилди. Худди пашша овлаган каби порахўрларни овлаётган ҳукумат бошқача йўл тутиш кераклигини тушунмайди ҳам. Бошқача йўл - порахўрлик каби иллатлар гирдобида қолган жамиятини ўзи яратганини тан олиб, иш бошидан кетишдир. Ошкоралик бўлмаган нодемократик жамиятларнинг ҳаммаси порахўрлик ва коррупция ботқогига ботиб битади.
« Олдинги хабар Хабарлар рўйхати Кейинги хабар »