15 April 2013
18:25 - Владимир Путин ва Ислом Карим расмиятчилик учунгина учрашдилар
Маҳаллий вақт билан соат 15 да Владимир Путин Кремлда Россия Хавфсизлик Кенгашининг котиби Николай Патрушев билан АҚШ Президентининг маслаҳатчиси Том Донилон олиб бораётган музокараларга қўшилгани ҳақида хабар қилинган эди. Соат 17 да эса, Россия Президентининг Ислом Карим билан аввал яккама якка, кейин икки тарафнинг делегациялари иштирокидаги учрашуви тамом бўлганb билдирилди. Биз башорат қилганимиз каби, Ислом Каримни кун бўйи куттириб, у билан номига учрашув ўтказишди. Демак, Владимир Путин ўз вассалига одам сифатида ҳам қараётгани йўқ. Номигагина учрашув ўтказди. Расмда Путиннинг қараши ва ўтирб қўйган боладек кўринаётган Ислом Каримнинг аҳволига қаранг.

Учрашувдан кейин Владимир Путин умумий гаплардан ташқари, икки тараф америкаликлар Афғонистондан чиқиб кетгандан кейин афғон ҳукуматига вазиятни барқарорлаштириш учун ёрдам бериш ҳусусида оғзаки маслаҳатлашишганини айтиш билан чекланди. Ислом Карим эса, ўзбек меҳмондорчилигини кўрсатиш учун, худди Путин буни ҳали кўрмагандек, ҳамкасбини расмий ташриф билан Ўзбекистонга келишга таклиф қилди.

Ислом Карим тилга олган иккинчи мавзу эса, масхарабозликдан бошқа нарса эмас. Нимамиш, бугун имзоланган инвестицияларни рағбатлантириш ва ўзаро ҳимоя қилиш ҳақидаги келишув катта аҳамиятга эга эмиш. Иқтисоди чўкиб бораётган, киши бошига ЯИМ бўйича ҳатто Қозоғистондан 8 баравар (!!!) орқада бўлган Ўзбекистон Россияга жиддий инвестиция қилиши мумкинлигига ишонадиган аҳмоқ борми?

Аслида, Россиянинг инвестицияларини рағбатлантириш ва Россия инвестицияларини ҳимоя қилиш хусусида келишилган. Яъни, Ислом Карим Ўзбекистон иқтисодини ҳам руслар қўлига топширмоқда. КГБнинг хизматкоридан яна нима ҳам кутиш мумкин?
« Олдинги хабар Хабарлар рўйхати Кейинги хабар »