09 April 2013
07:51 - Украина: Ҳокимиятдалигида ақли кирмаган зарғалдоқчиларнинг ақли энди кирмоқда, ўзбекларга ҳам дарс бўлсин
2004 йилнинг охири 2005 йилнинг бошларида Виктор Юшченко ва Юлия Тимошенко лидерлигида афсанавий ғалаба қозонган зарғалдоқчилар ўзаро чиқишолмасдан, ички можаролар туфайли парчаланиб кетишган, Виктор Юшченконинг президентлик курсисига ўтиришни истаган Бош вазир Юлия Тимошенко авваллари душмани сифатида кўрган Россия Президенти Владимир Путин билан оғиз-бурун ўпишишгача борганди. Натижада улар ҳокимиятни қўлдан бой бердилар, президентлик курсисига келган Республикачилар Партиясининг лидери Виктор Янукович ўз одамини Бош вазир қилди. Сўнгра, Юлия Тимошенкони Бош вазирлиги пайтида Россиядан табиий газ сотиб олиш контрактларни Россия фойдасига имзолашда айблаб, 7 йилга қаматди.

Авввал Юшченконинг командасида бўлиб, зарғалдоқчилар ичидаги жанжал вақтида Тимошенко лагерига ўтиб кетган Ички ишлар вазири, "Халқ мудофааси" Партиясининг лидери Юрий Луценко ҳам ўз лавозимини суиистеъмол қилиш айби билан Тимошенкодан аввал қамоққа ташланиб бўлганди. Юрий Луценко вазир бўлган замонда ўзбек мухолифатчиларини қўллаб-қувватлагани, Киевда "Бирлик" Партияси раисининг ўша пайтдаги ўринбосари билан ҳам учрашгани билан маълум эди.

Шу кунларда Президент Янукович Юрий Луценкони амнистия қилиб, озодликка чиқарди. Табиий, у энди нима қилади, ўз партиясини тиклайдими деган савол ҳаммани қизиқтирарди. УНИАН агентлигининг кеча тарқатган хабарига кўра, Юрий Лукашенко партиясини тиклаш нияти йўқлигини, ҳозир Юлия Тимошенконинг "Батькившчина" коалициясига киришини эълон қилибди.

Офарин, дейди "Ҳаракат"нинг мухбири, зарғалдоқчиларнинг ақли кеч бўлса ҳам кирмоқда, ҳар ким ўз партиясини тузиш касаллигидан қутилмоқда. Бу воқеа ўзбек мухолифатчиларига ҳам дарс бўлиши керак. Бугун тузилиб эртага йўқ бўлиб кетадиган масхарабоз ташкилотчалар тузишни тўхтатиш, "Бирлик" Партиясида бирлашиш, Ўзбекистоннинг оғир аҳволини ҳисобга олиб, мавжуд режимдан тезроқ қутилишни ўйлаш керак.

Расмда - бир неча йил аввал ҳали қамалмаган Юлия Тимошенко ўзидан олдин қамалган Юрий Луценкони зиёрат қилмоқда.
« Олдинги хабар Хабарлар рўйхати Кейинги хабар »