07 March 2013
18:10 - Икки миллиондан ортиқ ўзбек бошқа мамлакатларда мардикорчилик қилар экан, Пастдарғомда рангли фонтанга бало борми?
Ўзбекистон режимининг қўғирчоқ сайтларида тарқатилган хабарларга кўра, Самарқанд вилоятининг Пастдарғом тумани маркази Жума шаҳрида рангли фонтанлар қурилиши битмоқда эмиш. Шаҳар ҳудудида 70 минг дона гул ҳам экилар эмиш.

Бир қарашда қандай гўзал воқеа ва хабар. Аммо, бошқа тарафдан, 2 миллиондан кўпроқ ўзбекистонликлар чет элларда қул каби мардикорлик қилиб оила боқар экан, ранли фонтанларга нима бало бор деган савол ўртага чиқмайдими?

Ўзбекистон режими иқтисодимиз чўкаётгани, иқтисодимиз қозоқлардан 8 баравар орқада эканлигини ўз халқидан бекитиб келмоқда эди. Хўш, “Ҳаракат” Агентлиги бунга оид маълумотларни эълон қилди, улар аста-секин ҳаммага етиб боради-ку! Ахир, қашшоқ аҳоли бу маълумотларни, хусусан, ҳар йили мингга яқин мардикорнинг ўлиги Россиядан келаётганини билмаса ҳам, ўликлар келиши давом этмоқда, болалар оталарини йиллардан бери кўрмасдан катта бўлмоқда.

Фонтанлар қуришдан мақсад - ўша феълан етим болаларнинг кўнглини кўтариш, уларни озгина бўлса ҳам хурсанд қилишмикан?
« Олдинги хабар Хабарлар рўйхати Кейинги хабар »