27 February 2013
06:47 - Озорбайжонда Хўжали фожеасининг 21 йиллиги хотирланди
Тоғли Қорабоғдаги асосан озорбайжонлилар яшайдиган Хўжали шаҳри 1992 йил 25 фералдан 26 га ўтар кечаси арманилар томонидан босиб олинганда турли маълумотларга кўра, тинч аҳолидан бир неча юз киши қирғин қилинган эди. Озорбайжонда ўша кунги воқеаларни геноцид ҳам дейишади.

Кеча эрталаб мамлакатнинг ҳамма мачитларида қилинган эрталабки номозларда бу воқеа тилга олинди, қурбонларнинг руҳига дуолар ўқилди. Кун бўйи Бокудаги Хўжали геноциди қурбонлари хотирасига ўрнатилган ҳайкал атрофидан одам аримади. Давлат одамлари, дипломатик корпус ва сиёсий партияларнинг вакиллари, қурбонларнинг яқинлари ва оддий бокуликлар ҳайкал пойига гулчамбарлар қўйдилар, сукут сақлаб ва бош эгиб қурбонларни хотирладилар.
« Олдинги хабар Хабарлар рўйхати Кейинги хабар »