13 December 2012
00:09 - Швеция Қироллиги Ўзбекистонга янги элчи тайинлади, аввалгиси қандай эди?
Бугун тарқатилган хабарда айтишилича, Швеция Қироллигининг мамлакатимизга тайинланган янги элчиси Аке Петерсон Ўзбекистон Ташқи ишлар вазирлигида ишонч ёрлиғини топширган. Стокгольмдаги қароргоҳида туриб Ўзбекистондаги дипломатик миссиясини амалга оширадиган элчи билан ўзбек-швед муносабатларига оид турли масалалар муҳокама қилинган. Шунингдек, “Ўзбекистон - Европа Иттифоқи” формати доирасидаги мулоқотлар ва унда Швециянинг иштироки ҳақида сўзлашилган.

Эслатиб ўтамиз, Швециянинг аввалги элчиси Ганс Олссон ўзбек мухолифатчилари билан Стокгольда учрашув ҳам ўтказган эди. Бугунги хабардаги расм 2010 йил 30 май куни бўлиб ўтган ўша учрашувга оид. Умид қиламизки, янги элчи ҳам шу йўналишда фаолият олиб боради.

Расмда - чап тарафда Швеция расмийлари, ўнг тарафда, “Эрк” демократик партияси раиси Самад Муродов, “Бирлик” Партияси Сирдарё ва Қашқадарё вилоят ташкилотларининг раислари Исроил Ризаев ва Дайнов Ташанов, “Бирлик” Партияси раиси ўринбосарлари Ҳамдам Сулаймонов ва Пўлат Охунов. Расмни катталаштириш учун курсор билан босинг.
« Олдинги хабар Хабарлар рўйхати Кейинги хабар »