03 December 2012
03:05 - Қозоғистон Биринчи Президент кунини нишонламоқда, Туркияда “Қозоғистон” парки очилди, Ўзбекистонни биладиганлар ҳам кўпаймоқда
Бу мамлакатда ўтказилаётган Биринчи Президент куни байрами шахсга сиғинишдан бошқа нарса эмас. Чунки, Нурсултон Назарбой Қозоғистонни замонавий мамлакатга айлантириш, Қозоғистонни дунёга тинитиш учун катта ишлар қилди. У билан солиштирганда Ислом Карим ҳеч нарса эмас. Аммо, Қозоғистинни мустақил қилиш, мамлакатда президент деган лавозим бўладиган вақтларни яқинлаштириш йўлида Нурсултон Назабой ҳеч нарса қилмаган. Аксинча, 1991 йил 8 декабрь куни Белорусиядаги Беловежские Пушчи шаҳарчасида СССРнинг асосчилари бўлмиш Россия, Укранина ва Белорусия президентлари Ельцин, Кравчук ва Шушкевич СССРни йўқ қилиш хусусида битим имзоламаганларича, Қозоғистонни мустақил давлатга айлантириш учун ҳеч нарса қилмаган. СССР йўқ бўлгандан кейин 8 кун ўтгач, яъни 16 декабрда шундоқ ҳам мустақил бўлиб бўлган Қозоғистон ўз “мустақиллигини” эълон қилган.

Кеча Қозоғистоннинг турли мамлакатларидаги элчихоналар ҳамма ерда Биринчи Президент кунини ҳаммага эслатиб турдилар. Туркия ҳам четда қолмади.

Туркиянинг Невшаҳар вилоятининг маркази Невшаҳарда Қозоғистон элчихонасининг ҳам иштирокида Биринчи Президент куни муносабати билан “Қозоғистон” номли парк очилди. Очилиш маросимида вилоят ҳокими Абдурраҳмон Саваш, Қозоғистон элчиси Жансеит Туймебаев, шаҳар ҳокими Ҳасан Унвер, Туркия парламентининг депутатлари иштирок этишган. Эслатиб ўтамиз, ўтган йили Туркияда Нурсултон Назарбойга ҳайкал ҳам очилганди.

Очиғини айтиш керак, Туркияда ҳозир Ўзбекистонни ҳам кўпчилик билади. Чунки, ўзбеклар энг кўп мардикорлик қилаётган Россия ва Қозоғистон қаторига Туркия ҳам қўшилди.
« Олдинги хабар Хабарлар рўйхати Кейинги хабар »